Les Amours

 - Sonnet I - Texte originel. (de P. de Ronsard). 

Qui voudra voyr comme un Dieu me surmonte (1),
Comme il m'assault, comme il se fait vainqueur,
Comme il r'enflame, & r'englace mon cuoeur,
Comme il reçoit un honneur de ma honte,
Qui voudra voir une jeunesse prompte
A suyvre en vain l'objet de son malheur,
Me vienne voir : il voirra ma douleur,
Et la rigueur de l'Archer qui me donte.
Il cognoistra combien la raison peult
Contre son arc, quand une foys il veult
Que nostre cuoeur son esclave demeure :
Et si voirra que je suis trop heureux,
D'avoir au flanc l'aiguillon amoureux,
Plein du venin dont il fault que je meure.

(1) l'archer Amour.